mupu srangéngé saban poé

lain jang sasaha, kapan dangdaunan

nu kungsi dipicangcam lebar temen maluguran

tatalépa jeung baturna perkara béja langgeng

poé ayeuna nu nyumput na batu-batu,

méja-méja-korsi-korsi nyaring kuring

nyérangkeun buntut burit bari nalikeun

dzikir jeung sapatu anyar disemir

“kang, naha teu sarapan heula?”

anjeun mulangkeun batu kana dangdaunan

Tuturus, 2007

Wengi tadi bulan jadi saksi

Taya méga ngarungkup purnama

Wuwuh héman nyulam haté

Najan tebih nu dijugjug

Ka ditu ka amparan langit

Nyalusur labirin rénghap

Namperkeun ciibun

Nganti kaala hérangna

Duh…Panutan dalingding anggitan dangding

Mugia katampa

Urang ngangkleung na parahu asih

Riak lambak laas ngamuara

Wanci surupna srangéngé

Mangsana reureuh balabuh

Kikisik di sisi basisir

Kasébakeun angin lewang

Ka lulurung kalbu

Panglenyepan nu teu nangan

Duh…Rungruman dalingding anggitan dangding

Mugia karampa

Cianjur, September 2005

Sajak Ananta G

:Nita Widiati Efsa

kelar. kota ramé batu simpé

purnama dimana ngancikna?

teuteup paadu teuteup

galécok anjeun jeung eunteung

Teung! ku teungteuingeun

nyulam Alif parat ka Ya

sugan Aya. sedeng lulurung jantung puguh

suwung. lir Kota Batu pangpurnamana

anjeun nyusud tapak

taak. sapat ka madhab papat

tapi purnama tan arah

anjeun tanggah, sadrah.

Kota Batu, Juli 2006

Saha ari kuring? Éta patalékan téh teu weléh ngukuntit kamana nya indit. Lain kuring hungkul jigana mah, tapi sakabéh jalma gé éstu dituturkeun ku éta patalékan. Ti dinya kuring panasaran, tatalépa hayang apal saha ari kuring téh. Mimiti mah nanya téh ka nu jadi indung, ngan ku Indung téh dituduhkeun ka Aki, sabab cenah aki mah leuwih apal kana urusan nu kararitu téh, pangna mah sajarah.

Ceuk aki mah bapa téh urang Jawa, sedeng Indung mah pituin urang Cianjur, urang Sunda. Ari aki, sabenerna mah urang Bogor, ngan ti leutik mula betah bumetah di Cianjur, jiga kuring meureun ari kitu mah, nu ti leuleutik di Cianjur. Nu jadi kayungyun téh, sok sanajan lain pituin urang Cianjur, Aki jeung Bapa téh bangun anu betah pisan di Cianjur, samalah aki mah nepika apal ngeunaan Babadna sagala. Ceuk aki mah cenah lamun urang apal babad atawa sajarah, éstu moal kaleungiteun tapak nu hiji mangsa ku urang diperlukeun geusan nyanghareupan mangsa nu bakal datang.

Unggal Kabupatén mibanda kalengkepan anu béda ngeunaan sajarahna, pangna mah naskah atawa bagan pikeun maluruh daptar kulawarga Bupati ti unggal-unggal kabupatén, kaasup Cianjur. Pikeun maluruh sajarah Cianjur, sumber sajarahna téh bisa tina tulisan (arsip) resmi nu dipaké upamana ku walanda atawa tina tulisan-tulisan masarakat anu biasana ditulis dina wangun wawacan.[1] Dina ieu tulisan téh baris diadumaniskeun pamanggih ahli sajarah jeung carita-carita anu sumebar sacara lisan (anu dina ieu tulisan ngagunakeun nara sumber)[2]di masarakat Cianjur.

Cianjur, Hiji ngaran.

Taun 1529

Talaga direbut ku Cirebon ti nagara Pajajaran, dina raraga nyebarkeun agama Islam. Ti harita rahayat Talaga loba nu ngagem agama Islam, tapi raja-rajana mah ngagem kénéh agama karuhunna, nya éta agama Hindu. Anapon raja-rajana téh nya éta: 1. Prabu Siliwangi, 2. Mundingsari, 3. Mundingsari Leutik, 4. Pucuk Umum, 5. Sunan Parunggangsa, 6. Sunan Wanapri 7. Sunan Ciburang.

Sunan Ciburang boga anak Aria Wangsa Goparana. Aria Wangsa Goparana téh nu mimiti asup islam diantara kulawargana. Kusabab teu disatujuan ku nu jadi kolot, kapaksa Aria Wangsa Goparana ninggalkeun karaton Talaga tuluy indit ka Sagarahérang. Di dieu Aria Wangsa Goparana ngadegkeun nagari (sansk = Desa, Bld = negorij).

Kusabab Talaga direbut ku Cirebon ti taun 1529, rahayat Talaga disebut ogé disebutna rahayat Cirebon. Ku kituna, daérah Sagarahérang rahayatna disebut rahayat Cirebon.

Aria Wangsa Goparana tilar dunya dina tungtung abad ka ka-17, dimakamkeun di kampung Nangkabeurit, kacamatan Sagarahérang, kabupatén Purwakarta. Turunanana nya éta: 1. Djayasasana, 2. Wiradwangsa, 3. Candramanggala, 4. Santaan Kumbang, 5. Yudanagara, 6. Nawig Candradirana, 7. Santaan Yudanagara, jeung 8. Nyi Murti.

Aria Wangsa Goparana satuluyna nurunkeun katurunan nu mibanda gelar Wira Tanu jeung Wira Tanu Datar sarta rundayanana.

Anakna nu ka-hiji, Djayasasana, sanggeusna sawawa ninggalkeun Sagarahérang ka Cijagang. Taya katerangan nu leuwih écés perkara pindahna Djayasasana. Tapi aya sababaraha data nu bisa dipaké pikeun ngira-ngira waktu pindahna Djayasasana, diantarana:

“Suatu cerita rakyat, yang diolah oleh Walbeehm, mengatakan bahwa atas perintah seorang raja dari Mataram batas sebelah barat harus dijaga terhadap banten (demikian juga Van Rees), yang menempatkannya pada masa Tegalwangi. Cerita lain dari Holle, mengatakan bahwa ketika sensus oleh Puspawangsa ternyata ada 1100 cacah dibawah pimpinan Wira Tanu, 200 diantaranya diperintahkan oleh Mataram pergi ke Cianjur untuk menjaga batas, dibawah pimpinan dari Cirebon.”

Katerangan di luhur dipairan ku de Haan kalayan alesan yén Cianjur harita mah can aya, aya dina sajarah sotéh taun 1678, nya éta dina surat bupati sumedang ka VOC (D.20 Januari 1678)[3]. Pamanggih de Haan kurang leuwih jiga kieu:

“Pemberian tahu yang pertama kali tentang Cianjur adalah D.20 Januari 1678 dalam surat bupati Sumedang: Mereka dari Cirebon telah menduduki pegunungan Cimapag dan pegunungan Cianjur…….”

Satuluyna de Haan nétélakeun:

“(………..adalah tidak mungkin bahwa disini yang dimaksud adalah didirikannya Cianjur, dimana tidak perlu dipikirkan sebagai kolonialisasi dari Ibu Kotanya, Cirebon.)”

Atra di dieu yén pamanggih de Haan museur kana dipakéna ngaran Cianjur. Ceuk pamanggih de Haan mah dipakéna ngaran Cianjur téh gurunggusuh teuing harita mah. Cianjur can aya dina sajarah. Tapi sok sanajan ngaran Cianjur can dipaké, lain hartina yén dina kanyataan Cianjur téh acan ngadeg. Bisa waé cianjur téh geus aya, ngan nu kacatet data sajarah beunang Walanda mah dina D.20 Januari 1678.

Nu perlu diperhatikeun ogé, yén de Haan teu méré pairan ngeunaan sensus nu dilaksanakuen ku Puspawangsa. Kunaon ieu sénsus téh dianggap penting? Kusabab ku ayana sénsus Puspawangsa ka masarakat nu dipingpin ku Djayasasana, ngabuktikeun yén rahayat Djayasasana geus aya jeung matuh di; sebut waé daérah “X”, nalika dilaksanakeun sénsus. Jeung ieu sénsus téh diayakeun kurang leuwih taun 1655 di daérah “X”. Sakumaha de Haan nétélakeun:

“Ini mengingatkan perhitungan Puspawangsa tadi telah berlangsung setelah ada periode tenteram yang cukup di bawah Sunan Tegal Wangi:…………….terjadi pada masa Wiradadaha I.”

Dina katerangan di luhur, dé Haan ogé ngahaminan ayana kolonisasi rahayat Djayasasana, samalah numutkeun de Haan, meureun kolonisasi nu dimaksud téh lain ti Cirebon. Sunan Tegal Wangi nyepeng kakawasaan ti 1645-1677 jeung Wiradadaha I taun 1614 – 1674. Atuh saupama kitu mah sénsus Puspawangsa téh mémang lumangsung di daérah “X” dina taun + 1655.

Bisa dicindekkeun yén Djayasasana geus matuh di daérah “X” ti saméméh taun dilaksanakeunna sénsus taun 1655. hasil sénsus Puspawangsa nunjukeun aya 1100 urang atawa + 30o umpi, mangtupa hiji kumpulan masarakat anu dina basa walanda disebutna volkgemeenschap kalayan Djayasasana minangka pingpinanana. Saréngséna diitung ku Puspawangsa, 200 rahayat Djayasasana diparéntah ku Mataram ngajagaan wates kulon. Senapatina Djayasasana. Ti harita Djayasasana disebut Wira Tanu, nu mibanda harti senapati. Rahayat (cacah)-na disebut ogé cacah Wira Tanu.

“Daérah “X” aya di antara Cisadané jeung Citarum, nu ku Jan Pieterszoon Coen mah asup yurisdiksi Batavia, sok sanajan anggapanna ngan sapihak. Ku kituna, daérah “X” jadi bagian pikeun nahan serangan ka Batavia. Daérah “X” téh asup kénéh kana wengkuan kakawasaan Mataram, ngan kusabab tempatna pangjauhna ti Puseur Dayeuh Mataram, kakawasaan Mataram téh ngan karasa hawar-hawar. Katurug-turug nalika daérah “X” dina taun 1652 dipasrahkeun hak pakaina ka VOC, antukna kakawasaan Mataram beuki nyirorot baé. Préténsi Mataram ka daérah “X” nyirorot pisan nepika level 0 nalika taun 1677, kusabab dumasar kana kontrak Mataram jeung VOC tanggal 25 Februari 1677.

Terus kumaha atuh jeung rahayat Wira Tanu anu tadi kasabit-sabit salila kurang leuwih 30 taun nya éta antara taun 1655 - 1584? Ku lantaran kakawasaan Mataram nyirorot. Pasualan-pasualan sosial saperti bencana alam, wabah kasakit, jeung utamana perang téh teu karandapan nepika rahayat Wira Tanu bisa mekar. Jumlah rahayatna nambahan + jadi 2000 urang. Wira Tanu disebut ogé Dalem (wld = regent) dumasar kana jumlah masarakat nu dipingpinna. Éta hal ditétélakeun dina D. 24 Januari 1680, jadi saméméhna ogé Wira Tanu téh geus mingpin “regentschap” (satuan wilayah satingkat pedaleman atawa kabupatén).

Eusi D. 24 Januari 1680 nya éta saperti kieu:

“………medebrengende een brieffje of javaanse lontor door gemelte javanen te lande van den regent Aria Wira Tanoe uyt de negorye Tsitanjor,……..” anu pihartieunana kira-kira saperti kieu:

(……….mawa surat lontar Jawa ku urang Jawa ti regent Aria Wira Tanu ti negorij Cianjur).

Aya sababaraha catetan penting tina katerangan di luhur:

1. Nu dimaksud negorij téh nya éta tempat mukim, ku kituna regenschap téh salasahiji negorij. Jadi regentschap téh mangrupa negorij, sedeng negorij téh can tangtu regentschap. Begorij bisa mangrupa babakan atawa kampung. Ku kituna saupama aya negorij di jero negorij urang sebut waé sub-negorij atawa “onder negorij.”

2. Tina poin nu ka-hiji bisa dicindekkeun yén “negorye Tsitsanjor” mibanda harti “regentschap” Cianjur. Teu mungkin sub negorij Cianjur kusabab:

3. Wira Tanu nganjrekna di Cikundul (sub-negorij), lain di Cianjur.

4. Sub negorij mah Cianjur mah dipingpinna ku “Kingwey” (Ki ngabehi) Santaparana anu gugur dina perang ngalawan Banten (D.24 Januari 1980)

Perlu ditandeskeun, yén mangsa harita kakawasaan wira Tanu diangkat sacara sosial ku masarakatna, jadi moal aya bungkeuleukan surat kaputusana, upamana ti piha VOC atawa Mataram. Kakawasaan Wira Tanu harita ngawengku +14 Negorij nu biasa disebut umbul atawa cutak. Ku kituna, turunan Wira Tanu nu ka hiji (Wira Tanu II) satuluyna jadi ahli waris dalem anu ka-dua, tapi anu mimiti dina mangsa kakawasaan VOC sacara de facto jeung de jure Walanda taun 1691 – 1707.

Rundayan Aria Wira Tanu

Dalem Aria Wira Tanu tilar dunya antara taun 1681 – 1706, boga turunan 10 urang, nya éta:

1. Dalem Anom (Aria Natamanggala) gelar dalem di dieu teu ngandung harti “Regent”, ukur ngaran hungkul;

2. Dalem Aria Martayuda (Dalem Sarampad);

3. Dalem Aria Tirta (di Karawang);

4. Dalem Aria Wiramanggala (Dalem Cikondang);

5. Dalem Aria Wiramanggala, “Regent” ka-hiji nu dikukuhkeun ku Walanda (VOC), disebut ogé dalem Tarikolot;

6. Dalem Aria Suradiwangsa (Dalem Panembong);

7. Nyai Mas Kaluntar (Makamna di Dukuh Caringin)

8. Nyai Mas Karangan (Makamna di Bayabang)

9. Nyai Mas Djenggot (Makamna teu kapaluruh)

10. Nyai Mas Bogem (Makamna teu kapaluruh)

Nurutkeun carita rahayat Cianjur mah, aya kénéh turunan Wira Tanu (I) ti garwa nu lain manusa tapi “Jin Islam”, nya éta:

1. Radén Suriakancana, nu ngahiang di Gunung Gedé[4]

2. Nyai Mas Indang Kancana alias Indang Sukaesih alias Nyai Mas Kara nu ngahiang di Gunung Ceremai

3. Radén Andaka Wirusajagad (anu numutkeun naskah Dalem Pancaniti lain putera, tapi puteri nu ngaranna Nyai Indang Radja Mantri), nu ngahiang di Gunung Karawang.

Puterana nu ka-lima, Aria Wiramanggala (Aria Wira Tanu II) nganjrek di Tarikolot Cikalong (R. 4 April 1686) jeung di Cibalagung (R. 6 Mei 1686), anu sok disebut Pasir Wira Tanu. Pangaresep Wira Tanu II téh nya éta tatanén.

Aria Wira Tanu II mindahkeun Puseur Dayeuh Cianjur ti Cikalong ka Pamoyanan

Taun 1691

Aria Wira Tanu II ninggalkeun Cikalong. Pindahna téh ka daérah saparat susukan Cianjur, néangan jeung muka lahan pikeun rahayatna. Ieu tempat téh dingaranan kampung Pamoyanan, anu kaasup kana sub-negorij Cianjur. Ku Wira Tanu II kampung Pamoyanan téh dijieun Puseur Dayeuh Cianjur. Kunaon bet dipindahkeun? Aya sababaraha kamungkinan,

1. Ayana patemon jeung Adolf Winckler anu dina éta patemon Aria Wira Tanu II ngusulkeun sangkan 2 urang lurah jeung 43 cacah dipulangkeun deui ka Wira Tanu II nu dicokot ku Angga Laksana, Umbul Cilaku. Angga Laksana ngawidian. Ku sabab kitu, Aria Wira Tanu hayang ngandeg mandiri, kusabab di Cikalong ayawali pamaréntahanti Cirebon (Aria Sacakusumah), Aria Wira Tanu II ngarasa kurang bébas;

2. Kadatangan Bartel van der Valck, juru ukur VOC anu geus ngukur-ngukur wates wilayah padaleman, atawa;

3. Ayana wangsit saperti diterangkeun tina naskah Kusumaningrat (Dalem Pancaniti) anu kacindekkan eusina kurang leuwih saperti kieu:

Nalika Wira Tanu (II) tatanén di bukit (anu nepika ayeuna dingaranan Pasir Wira Tanu), kadatangan Jin Puteri anu geus rémpo unjukan ka Wira Tanu (II) “Béjakeun ka lanceuk Andika, Dalem Natamanggala (Dalem Anom) , lamun hayang karaharjaan jeung kadigjayaan, sakuduna manéhna ngadegkeun karajaan di belah kidul-kulon ti Cibalagung, deukeut walungan Cianjur, éta mangrupa tempat nu hadé pikeun ngadegkeun karajaan. Di dinya aya pangupakan Badak Putih jeung hadé pisan, saupama éta pangupakan téh diperenahkeun di tengah-tengah Padaleman (Imah)”. Saréngséna kitu, tuluy jin téh ngaleungit. Teu lila torojol lanceukna datang, laju dicaritakeun ku Aria Wira Tanu II ka Dalem Anom naon anu cikénéh karandapan. Satuluyna Dalem Anom nyarita “ Kuring taya niat pikeun indit ti dieu: di dieu kuring ngarasa bagja. “ satuluyna Wira Tanu II ménta widi ka lanceukna pikeun néangan tempat di deukeut susukan Cianjur, geusan ngadegkeun karajaan. Lanceukna nyatujuan. Antukna Wira Tanu II pindah ka Pamoyanan anu satuluyna jadi Puseur dayeuh “Regenschap” Cianjur.

Nu jadi patalékan téh naha bener kadatangan Jin saperti anu dicaritakeun di luhur, atawa nu dimaksud jin téh Bartel van der Valck?

Dalem Aria Wira Tanu Datar III

Mindahkeun Puseur Dayeuh ti Pamoyanan ka Kampung Cianjur

Taun 1707

Dalem Aria Wira Tanu II tilar dunya (R. 12 April 1707), digantikeun ku putra sulungna Astramanggala anu diangkat jadi “Regent” ku VOC kalayan gelar Wira Tanu III atawa Dalem Dicondre. Sanggeusna diangkat, Wira Tanu III pindah ti kampung Pamoyanan ka kampung Cianjur, anu kaayaanana mangsa haritra leuwih maju tinimbang Pamoyanan. Sok sanajan jarak dua kampung éta diwilang deukeut, tapi kahalang kénéh ku leuweung jeung walungan. Ku kituna, nu ngadegkeun kota Cianjur téh lain Wira Tanu II, tapi Wira Tanu III. Konsekuensi séjénna yén kota Cianjur téh dijieun Puseur dayeuh taun 1707. perlu diperhatikeun ogé yén Wira Tanu III lain ngadegkeun cianjur minangka Padaleman atawa Sub-negorij, kusabab dina katerangan saméméhna sub-négorij téh geus ngadeg ti saméméh taun 1680 kénéh, tapi Aria Wira Tanu III ngan saukur mindahkeun puseur dayeuh ti Pamoyanan ka kampung Cianjur. Ieu hal téh lumangsung nalika VOC geus ngajajah Cianjur sacara ‘de facto’ jeung ‘de jure’. Nu matak Aria Wira Tanu III mah diangkat ku VOC, sedengkeun Aria Wira Tanu II mah ukur dikukuhkeun hungkul.

Wira Tanu III punjul dina ngalegaan kultur kopi jeung ngalegaan kabupatén jeung kawijakan. Aya sababaraha catetan nalika jaman kakawasaan Aria wira Tanu III.

1. Wira Tanu III sering ngajukeun préténsi ka walanda ngeunaan wates wilayah nu sabenerna kaasup wilayah kabupatian anu séjén.

2. Rahayat Cianjur ngawangun Gapura gedé sarupa béntang pikeun kahormatan Wira Tanu III. Belanda ngarasa kasieunan ku éta hal.

3. Wira Tanu III kungsi ngajukeun gelar “Pangéran Aria Depatty Amancoerat Indator” (Pangeran Aria Dipati Amangkurat Di Datar), nu ngandung harti yén Wira Tanu III nyaruakeun dirina jeung Amangkurat I. Ngan gelar anu dimaksud teu dicumponan ku VOC. Anu dikabulkeun téh ngan “Datar”-na hungkul, nepi ka gelarna jadi Aria Wira Tanu Datar. Kusabab ditarimana éta gelar téh sanggeusna Wira Tanu III tilar dunya, anu maké éta gelar téh ti Wira Tanu Datar IV nepika Wira Tanu Datar VI.

4. Wira Tanu III ménta ka VOC supaya Citarum dijadikeun wates Cianjur. Ieu hal téh ngandung harti, yén satengahna Bandung jeung Karawang, sarta saparapat ti Parakanmuncang bakal asup ka wewengkon Cianjur.

5. Wira Tanu III keukeuh sangkan wates Cianjur jeung Kampung Baru, Karawang, Bandung jeung Parakanmuncang ditangtukeun. Ieu hal téh bakal ngabalukarkeun daérah tatangga bakal ngurangan. Dina taun 1724 sabagian wilayah Kampung Baru jeung Sagara Kidul asup ka Cianjur; Jampang mah geus ti heula asup ka Cianjur (1715)

%

Sebuah utopia mengawali tulisan M. Malik pada Rubrik Khazanah Pikiran Rakyat 17 November 2007. Ia berbicara tentang sebuah kerinduan akan apresiasi dan kemasan yang begitu sempurna dari wayang golek. Dan kesempurnaan itu seolah tampak pada dalang-dalang berpengalaman (baca: tua), seperti Asep Sunandar Sunarya, Dede Amung, Ade Kosasih dan generasi sejamannya. Sebagai seorang pencinta Wayang Golek, ia mungkin kecewa, karena tidak ditemukannya dalang-dalang muda yang mampu memberikannya pengalaman baru yang memperkaya batinnya. Sekarang ia tidak merasakan kedalaman pemikiran filsafat seperti yang Ia dapatkan dari Dede Amung, megahnya garapan Ade Kosasih, atau antawacana dari Asep Sunandar Sunarya.

Dengan sedikit perhitungan statistik, M. Malik menyatakan, dari begitu banyaknya dalang, tetap saja yang laris di pasaran adalah dalang-dalang yang telah disebutkan di atas. Saya berusaha sepakat, bahwa dunia pedalangan di Jawa Barat memang perlu berintropeksi melalui sebuah cermin besar globalisasi, dan dalang-dalang seperti Asep Sunandar dan kanca-kanca seangkatannya mungkin satu dari seribu yang tetap tampil memikat dan tetap “seksi”. Dengan bahasa lain, kalau demikian adanya, sampai kapan dunia pedalangan kita akan tetap bertahan? Jika para penerusnya, tidak mampu berkreasi dan menjadi “seksi”.

Kalau M. Malik berusaha menyoroti para dalang – terutama dalang muda – untuk berinstropeksi, mungkin saya sedikit mengambil sudut yang berbeda. Sudut sebuah rumah sempit dengan televisi 14 inch yang di dalamnya tertayang sebuah acara berjudul “Mamamia”, sudut kelas ketika para siswa belajar bahasa Inggris sambil berbisik-bisik tentang Geng Motor, sudut sebuah kantor dinas kebudayaan dengan tumpukan proposal di mejanya, atau mungkin sudut sebuah kios tanaman hias yang semakin digandrungi. Dengan kata lain, apresiator dan fasilitator.

Pertama, kita berbicara tentang apresiator. Dalam tingkatan yang paling ekstrem, kita bisa menyaksikan, bagaimana anteng nya seorang anak menyaksikan Avatar berpetualang. Ibu-ibu, sambil membeli sayuran, asyik memperbincangkan – juga menyayangkan – aktor kesayangannya Roy Marten kembali terjerat kasus Narkoba. Sekelompok masyarakat lainnya dengan hati berdebar-debar, siap melahap apapun, sinetron, film kartun, sepakbola, iklan, teknologi, Informasi, terlebih lagi, nasi.

Masyarakat memang penggila hiburan, dan sebagian besar tidak pilih-pilih, karena mungkin tidak ada pilihan. Toh, bila mungkin pilihan itu ada, seperti yang dilakukan Iman soleh dengan menciptakan CCL, atau sebuah komunitas di Sukatani Purwakarta dengan Kampung Peuyeumnya, atau Acep Zamzam Noor dengan komunitas Azan-nya, kita bisa saksikan berkerumunnya orang-orang, dari mulai anak-anak sampai pedagang kaki lima berbicara hal serupa layaknya menonton sinetron.

Hal itu terbukti, ketika dua bulan silam diadakan sebuah pagelaran wayang golek di sebuah halaman yang tidak begitu luas, tepatnya di CCL. Masyarakat berkerumun dan bersilaturahmi, menemukan suasana baru yang tidak dirasakannya ketika menonton film james bond di kamarnya, pedagang-pedagang kaki lima menambah penghasilannya dengan hati gembira, karena terhibur oleh artistik panggung dan penampilan prima seorang dalang muda, yang tidak mereka temukan di pinggir jalan pada siang hari.

Artinya, para dalang muda ini perlu ruang, perlu waktu, agar benang merah kebudayaan seperti yang diutarakan oleh Saini KM bisa terwujud. Di titik inilah pentingnya apresiator, yang memuji, memaki, menggurui, bertepuk tangan, tertawa, agar mereka menemukan inspirasi baru yang mungkin tidak kita duga sebelumnya. Selama ini mereka tidak berkembang, karena dari satu kali tampilannya, ia sudah mendapat stempel “Taklid” pada punggungnya, mungkin untuk seumur hidupnya.

Ketika para dalang muda mengharapkan apresiator, apresiator mengaharapkan fasilitator. Fasilitator sebenarnya orang nu boga hajat, sepasang pengantin yang nanggap Wayang golek, yang memberikan ruang, waktu dan apresiator untuk dalang muda kita, yang memberikan peluang kepada mereka untuk berkarya, untuk gagal, untuk memberinya modal awal. Pengantin pria yang bahagia tetapi sedikit gelisah itu adalah pemerintah dan pengantin wanita yang pemalu itu adalah pelaku bisnis.

Dalam sebuah acara pelatihan manajemen seni tradisi yang diadakan Disbudpar pekan lalu, Kadisbudpar H.I. Budhyana mengatakan bahwa pemerintah hanya sebagai fasilitator, dan seniman-seniman diharapkan mampu bangkit dengan membenahi sistem manajemen di paguyuban atau lingkung seninya masing-masing. Beliau juga mengatakan “Saya salut dengan perkembangan agama, tingali di unggal RT, pasti aya masjid.” Peserta pun terkesima seolah mengamini, memang demikianlah adanya. Dengan sedikit berapi-api beliau menambahkan, “7,5 miliar mahi keur naon? Lihat Bali, pemerintah menganggarkan 125 Miliar untuk budparnya.” Peserta menghela nafas panjang, karena dengan demikian, wayahna para dalang muda kita harus bersabar, rupa-rupanya fasilitator kita masih terbentur masalah waragad (dana).

Lantas dimanakah pasangan pengantin lelaki? para pelaku bisnis? Mungkin mereka sedang bersolek, mempercantik diri melalui pariwara televisi, situs Internet atau Billboard di tengah kota. Hotel, restoran, cafe, Mall, toko buku adalah sebuah ruang publik potensial. Tapi lagi-lagi, para pelaku bisnis beranggapan bahwa kesenian tradisional tidak praktis, ribet, dan yang paling penting bagi mereka, terlalu mahal. Sebuah hotel atau restoran memang perlu nuansa Etnis, seperti alunan musik instrumen degung atau kacapi suling yang bisa kita dengarkan ketika naik lift di sebuah hotel bintang lima di Bandung, tapi itu semua bisa didengar melalui kaset atau CD, bukan pagelaran “hidup”. Dalam benak mereka mungkin timbul pikiran, CD bajakan hanya lima ribu rupiah, pagelaran wayang golek sedikitnya menghabiskan lima juta rupiah. Timbulah kesenjangan baru, karena jalan dan kesepakatan tidak bertemu, karena Industri seni kurang mengenal MOU.

Mungkin sudah saatnya mempertemukan sepasang pengantin ini dan bersilaturahmi kembali dengan para dalang muda kita, toh pedagang kaki lima saja bisa berbahagia, kenapa pelaku bisnis menengah ke atas tidak? Dan bukankah pemerintah juga ibarat dalang, yang dengan keterampilannya memainkan wayang, mengatur ritme, dan membuat lakon yang dilakoni dalang-dalang muda tampil lebih memikat di hadapan kita, para apresiator.