Kota. Batu. Purnama
Sajak Ananta G
:Nita Widiati Efsa
kelar. kota ramé batu simpé
purnama dimana ngancikna?
teuteup paadu teuteup
galécok anjeun jeung eunteung
Teung! ku teungteuingeun
nyulam Alif parat ka Ya
sugan Aya. sedeng lulurung jantung puguh
suwung. lir Kota Batu pangpurnamana
anjeun nyusud tapak
taak. sapat ka madhab papat
tapi purnama tan arah
anjeun tanggah, sadrah.
Kota Batu, Juli 2006
